हालसालैका लेखहरु : आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं ) बोर्डरसाइटको बब्लु,(नीलम कार्की निहारिका) समुद्र र सपना,(संजु बजगाईं ) कार्लोस मेरो दर्पण छायाँ,(सुन्दर श्रेष्ठ) मैले नजन्माएको छोरो,(पारिजात) विदेसिनु रहर कि बाध्यता,(जेबी खत्री)

पोखरीका रङ बिरंगी माछाहरु

नर बहादुर दाहाल, (दार्जिलिंग)


मेरा भावना

तिम्रो चरित्र जस्तै

स्वच्छ, निर्मल र पवित्र

सङ्लो पानीले भरिएको

यो पोखरीमा

कहाँ-कहाँबाट पस्छन्

यी गन्धे माछाहरू......?

ल्याउँछन्

भल,

बाढी

बर्खे भेलले बगाएर,

बस्छन्,

पोखरीका डिलडिलमा

उम्रिएका

झारपात,

हिलो,मैलो लेउ खाएर ।

 

कहाँ कहाँबाट आउँछन्,
दुषित पार्न पोखरी-

यी असला.बुदुना र कत्ले
चित्र-विचित्रका
रंगविरंगी  माछाहरू ।
म जान्दछु ,
तिम्रो मन

खोला होइन ।

यो पोखरी जस्तै

सीमावद्ध छ ।
यो

कहिले भँगालिदैन ।

म जान्दछु,

अहिले पनि

यो भँगालिएको छैन ।

तर....

पोखरीको धमिलो पानी जस्तै

मेरो मन भने

किन हो किन

अझ

सँगालिएको छैन ।

Comments

सम्पर्क माध्यम

khasskhass@gmail.com
Share |