हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

माटोको चित्कार

मीरा प्रसाईं शर्मा, (बेलायत)

रोईरहेको सहिदको आँशुले पोल्नु पोल्यो
लोकतन्त्रका लागि निमोठिएका चित्कारहरुले
मातृ वात्सल्य च्वास्स च्वास्स घोच्यो ।
विश्वाश दुर्घटित भएर
मेरो देशको माटो आँसुमा लपेटिएकोछ ।

शान्तिको सागरमा रगताम्मय सुनामी उर्लिएर
बगाई रहेकोछ मेरो देश् निरन्तर्
म भित्रको मातृत्वको निर्मम हत्या भएको छ ।

स्वतन्त्राको उर्बर भुमीमा फक्रेका
पारिजात चाहनाहरुलाई  हत्केला भित्र निमोठिएको छ ।
ज्युँदै सम्वेदना कुहिएर डुंगडुङ्ती गन्हाएको बेला
गल्ली र गल्छेडाहरुमा सहिदको हृदय बन्दकी राखेर
जुडासे हिटलर बाची रहेकोछ यहाँ ।

सर्बाङगै नाङिगीएर धर्ती उत्तानो परेकोछ बीच सडकमा
पासविक बलमा अस्मिता लुटिएर
निर्लज्ज बलात्कार भई रहेछ देशको यहाँ । 
रनभुलको चक्रब्युहमा रुमलि रहेछ समय
मान्छेको मुटु कलेजो लुछि रहेछ मान्छे आफै
देश र जनताको प्रगाढ ईतिहासमा हाँस्दै
तान्डब चलिरहेछ स्वतन्त्र चाहनाको ।
कंशीय मुटु - मेरो कोखको पटक पटक हत्या गरिस
अबोध शिशुको घाटी निमोठि
देबकीहरुको कोख निमिट्यान्न पारिस ।
पागल भएकी छु
म बहुलाएकी छु
राक्षशी कोख सदाको लागि निमोठि दिन्छु
रक्तवृष्टिको समाप्ती गरिदिन्छु म
कंशनासक कृष्णहरु जन्माउन
मेरो कोख अझै बाझो भएको छैन ।
काली र चण्डी पनि हुँ म
बहुरुपी रक्तबिजहरुको रगत सेवन गरि 
शान्ति मुहान कन्चन पार्न सक्छु ।
त्यसैले ,
म गर्भधारण गर्न चाहन्छु
आउ दुबै मिली बिज छरौ मातृत्वमा
बदल्न
बुद्ध जन्माउन
जनताको अस्तित्व उनकै सिद्दान्तमा
खोज्न सक्ने कुशल योद्धा जन्माउन
हजारौं पटक गर्भ बोक्न चाहन्छु म ।
  

Comments

pawan

ekdam ramro kabita despremle otprot bhayeko 

सम्पर्क माध्यम

khasskhass@gmail.com
Share |