हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

को भन्न सक्छ ?

नर बहादुर दाहाल, (दार्जिलिंग)


नीलो  छ आकाश

तारा हजारौं

भन लौ तिमी

को गन्न सक्छ ?

झरेर त्यति नै

टुक्रा मुटुका

न आज

को भन्न सक्छ ?


छुनलाई सगर

उठेको छ हिमाल

पग्लेर जान्छ भएर पानी

बिछोड़ मात्र हो कि !

यो जिन्दगानी ।

 

सागर भएन

आँसु झरेर

भन लौ तिमी

को भन्न सक्छ ?

उत्ताल सागर

किनार छुन

किन छल्कँदैछ ?

 

लागे सरि

वनमा डढेलो

भित्रभित्र मन यो

किन सल्कँदैछ ?

सागर तिमी हौ

म हुँ किनारा

होइन कसले

अझ भन्न सक्छ ?

 

जति भाव पोख्छु

कथा हुन्छ आफ्नै

जति गीत लेख्छु

व्यथा हुन्छ आफ्नै

यहि कथामा

यहि व्यथामा

तिमी छैनौ भनेर

को भन्न सक्छ ?

 

जति जोड़न खोज्छु

उति विछिन्न  हुन्छ

जति आफ्नो भन्छु

उति भिन्न हुन्र्छ ।

मुहारमा तिम्रो

किन मुस्कान छैन?

लगिन मैले

 

को भन्न  सक्छ ?

संगै हिड़ने बाटो भिरालो भएछ

अहिले फेरि आइ भँगालो भएछ

मिल्दैन कुनै दिन भएर दोभान

भन लौ तिमी

को भन्न सक्छ ?

Comments

सम्पर्क माध्यम

khasskhass@gmail.com
Share |