हालसालैका लेखहरु : उड्ने रहर छ,(उमा शर्मा ) तब पो दशैं आउँथ्यो,(गोतामे साँहिलो) नाप्नै सकिएन ,(रजनी श्रेष्ठ) धेरै सिकायो यो कोरोनाले,(उमा शर्मा) गिद्धहरु रमाउँदैछन्,(बासु श्रेष्ठ) आव्हान,(रजनी श्रेष्ठ) ग्रीन कार्ड,(सुदीपभद्र खनाल) लश्कर,(गोविन्द गिरी प्रेरणा) अभिनन्दन !!!!,(ऋषिराम अर्याल) गड्यौला उर्फ सत्यराज ,(कृष्ण बजगाईं )

आफ्नो नबनाएको भए

गोबिन्द प्रसाद उपाध्याय, (Kamaladi,Kathmandu)

दोबाटोमा नभेटेको भए हुन्थ्यो
लुकिछिपी नहेरेको भए हुन्थ्यो
किन किन लाग्छ आज
उनीलाई आफ्नो नबनाएको भए हुन्थ्यो ।

बाचा कसम नदिएको भए
तर्की-तर्की हिडि दिएको भए
अङ्गालोमा नबाँधेको भए हुन्थ्यो
सुस्त सुस्त नबोलेको भए हुन्थ्यो
किन किन लाग्छ आज
उनीलाई आफ्नो नबनाएको भए हुन्थ्यो ।

एक्लै छोडी नगएको भए
उनको सिउदो नरङ्गाएको भए
हेराइमा उनको नफसेको भए हुन्थ्यो
हाँसोमा उनको नहाँसेको भए हुन्थ्यो
किन किन लाग्छ आज
उनीलाई आफ्नो नबनाएको भए हुन्थ्यो ।

Comments

सम्पर्क माध्यम

khasskhass@gmail.com
Share |