गजल


अनुकुल प्रकाश
चितवन
(plz_welcome077@yahoo..com

जिन्दगीको खेलमा कठै आँफै'सित हार भयो
रामकसम जीवन भन्दा जिउनु झनै भार भयो

दौड-धुप सधैं-भरी, यता-उती गर्दा-गर्दै
गन्तव्यको बाटो बिर्सें आज आइ वेकार भयो

आउँछ कित? पालो भन्दै बस्दैथिएँ लाईनमा
ठेलम्ठेल गर्दा-गर्दै , समय नै पार भयो

कती कुर्नु? बाटाहरु सफलताका आश बोकी
मुढो ताकी घुँडो काट्ने, उखानकै सार भयो

लेखेँ कती गाएँ कती सपनाका गजल-गीत
आजभोलि यो'अनुको'सपना नै फलहार भयो

जिन्दगीको खेलमा कठै आँफै'सित हार भयो
रामकसम जीवन भन्दा जिउनु झनै भार भयो