आई झिकि देउ न !
आमा ! काँढा मन्मा बिझ्यो
आई झिकि देउ न !
दाईले घोच्यो भाईले घोच्यो
आई सघाई देउ न !
दाजु कंश भाई रावण
छैनन् कोहि मानव
स्तनपान तिम्रो गरे
तर भए दानव !
तिम्रै काखमा हुर्के बढे
तिम्रै काखमा लात !
भन्थ्यौ सबै तिम्रा सन्तान
भिन्न रहेछ जात !
सुत्यौ आमा तिमी जसै
केहि थाहा छैन !
छिया छिया तिम्रो वदन
कतै केहि छैन !
हँसिलो र सुन्दर मुहार
कता लुक्यो कुन्नी !
शरीरमात्र रह्यो बाँिक
श्वास के भो कुन्नी !
ब्यँंूझ आमा ब्यूँंझ अब
धेरै सुतिसक्यौ !
पापी पूत्रबाट धेरै कष्ट
सहिसक्यौ !
सोझा साझा हामी सन्तान्
कता के पो गर्ने !
एक ठाउँबाट अर्को ठाँउ
कहिले सम्म सर्ने !
यहि काँढा मन्मा बिझ्यो
आई झिकि देउ न !
दाईले घोच्यो भाईले घोच्यो
आई सघाई देउ न !